مين اللي بينتقم من التاني

افتكر كل اللي فات وانت تعرف مين اللي بينتقم من التاني
مين اللي عذب التاني

ومين اللي باع وغدر بالتاني

انت بعت ومش بعت وبس .. انت خنت .. غدرت

كل حاجة ليا بتستخسرها

كلمة آسف مستخسر تقولها ..

ازاي كبرياءك يسمحلك تقولها .. لكن ممكن يسمحلك تخني وتبيعني

الدبلة.. بتساومني تجيبها وللا متجيبهاش.. لأ ممعييش فلوس.. لأ أول الشهر..

ووادة تانية تعمل حسابها في كل حاجة وهي مديتلكش أي حاجة..

مش عايزاك.. روحلها هي وابعد عني.. هاتلها كل حاجة.. وارضيها بكل طريقة..

أنا مش حمل عذاب تاني.. ومش حمل جراح تاني.. كفايا عليا اللي شفته..

مش عايزاك.. عشان عقلك رفضني.. مش عايزاك عشان قلبك خاني..

مش عايزاك عشان هنت كرامتي وكسرت قلبي..

مش عايزاك.. وروحلها هي.. وابدأ حكاية جديدة..

ومتنساش توديها سيتي ستارز وسيلانترو وكوستا كافيه وحلمي والنادي اللي على القناة.. والكافيتريا..

واسمع نفس الأغاني.. وكل نفس الأكل.. واشرب نفس الحاجات

روح معاها سيتي ستارز .. محل الفريدة.. وخليها تقيس كل حاجة تعجبها وشوفها عليها..

اتمشى معاها في روكسي عند قنديل وهاتلها ورد.. ولبسها الجاكت بتاعك لما تكون سخنة وعيانة..

بس اسأل عقلك الأول قبل ما تعمل كل ده .. لحسن يطلع رافضها هي كمان