مش هتصدق يا عم البلوح أيه ألي بيحصل .....!!!!!!

عارفة يعنى ايه وحشتنى !!!

يعنى ابقى عايش ف زمنين واحد بيمر ببــــــطئ والتانى
واقف على معاد لقاكى

يعنى اقلع قناع الرزانه وتاج العقل وآجى اقولك وحشتينى

يعنى قلبى يدق دقه ليا ودقه ليكى يمكن تكونى محتجاها

يعنى اقرا حوار انا كنت طرف فيه مليون مره .. وكل مره كانها اول مره

يعنى ابقى بلف حوالين نفسى .. عمال ادور عليكى

يعنى معرفش اتقل عليكى لانك بجد ...
ووووووووووووووووووووحشتينى


---------------

 متزعلش يا عم البلوج الفترة الي فاتت مهتمش بيك شوية .
 بس بجد لما تعرف هتفرح ومش بيعيد تزغرت .

بص يا سيدي انا وحبيبتي رجعنا لبعض وفين يا معلم 
 اتقبلنا في الحرم في مكة
 وتصالحنا ورجعنا واتفقنا 
 والغريب اننا مش مصدقين ولا فاهمين ..كل حاجة بتحصل بسرعة غريبة 
 أحنا عملنا عمرة مع بعض ودعنا ربنا كتير يتوب علينا ويهدينا ويرضيينا ونتجوز وونحج
 الحمد لله ربنا تقبل 
اتفقنا على الجواز ...هو صحيح أهلها مش موافقين ...إلا ان ربنا معانا وقفلنا خالها ...علشان يجوزنا
 وحنا سألنا في الحرم
الغريب إحنا كنا ماشين في اتفاق انزل نهائي واخلص الكورس وربنا يفرجها
 لكن سبحان الله
 خالها التاني عرف الموضوع ومن نفسه حاول يقنع ابوها تاني لكنه رفض وقال اسباب واضح انهم متفقين يرددوها في كل مكان .
ومن هنا جأت فكرة سريعة أننا نثبتلهم ان كلامهم غلط 
 صحيح ده مش هيحقق الهدف الأساسا اننا نتجوز ونعيش مع بعض .... من اول لحظة في الجواز.
بس ممكن أنزل اجازة نتجوز وبعدين أرجع وهي تيجي نحج ونرجع سوا .
 سبحان الله دعوتين من الي دعناهم لربنا .....
 ممكن يكونوا اقرب من مرمي البصر.
وبرده ممكن في الفترة دي اكون اخدت شهادة كويسة  وخبرة في الشغل تساعدني ادور على شغل في مصر .
وفي نفس الوقت اهلها يبطلوا نغمة طمعان فيها.

وسبحان الله اول مكلمت مديري مكنش عنده مانع ....بل بالعكس كانب يفكر معايا ..اعمل أيه انزل أزاي وامته.

سبحان الله يا عم البلج ألي بيحصل ده ....شيئ غريب
 وفي نفس اليوم ألي فكرنا واتفقنا وبدانا التنفيذ
 اخويا يروحلها البيت ويركب التكييف ويركب باب الاوضة (((((أبو تربـــــــــــاس))))))
والغريب ان كل حاجة بتحصل بسرعة.

 يا رب يا كريم يا عفوا يا قدير ..إرحمنا وإغفرلنا وإهدينا  إرضينا.

يارب اوزع لي ان اشكر نعمك التي انعمت علي.