الحمد لله
بكتبلك الرسالة دي بدموع الفرحة ودموع الشكر لله علي رحمته
الحمد لله ان ربنا ان شاء الله هيجمعنا في الحلال
بحمد ربنا على رحمته بينا وانه اتاح لنا تعدد الزوجات
عمري ما كنت اتخيل في يوم من الايام اني هفرح بتعدد الزوجات لكن سبحان الله ربنا رحمته واسعة انه جعل حل وفرج ليا بحاجة زي دي
الحمد لله
ربنا يعلم اني نفسي ارضيه وتبقى كل حياتنا حلال
هو وضع صعب على نفسي لكن الحمد لله انه كله بشرع الله ومفيهوش اي حاجة تغضب ربنا
ومدام دي رغبتك انك ترتبط بيها برده.. سعادتك عندي أهم حاجة في الدنيا.. حتى لو انا جيت على نفسي.. واستحملت عشان خاطرك.. كفاية اني هبقى مراتك وانت هتبقى جوزي ويتقفل علينا باب واحد بالحلال.. كفايا انك عفيتني وسترتني.. كفايا انك صنتني.. كفايا عليا ان انت راجلي وسندي وحبيبي.. كفايا اننا نقدر نحضن بعض ونلمس بعض في الحلال
ربنا يخليك ليا ويقدرني اني اسعدك.. واهنيك..
الحمد لله.. الحمد لله..
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية