كان نفسي ..

كان نفسى اناديلك يا حبيبتى ..كان نفسى اناديلك وناديته..كان نفسى اناديلك اشكيلك اسمع منك ابكيلك ..كان نفسى انورلك قمرى واعملك بأديا الشاى ..احكيلك فى الليل حكايتى واغنى لعنيكى بناى..كان نفسى اضمك وبقوه..اضمك انتى مش هو كان نفسى اناديلك واحكيلك اسمع منك ابكيلك ..

كان نفسي تكون حاسس بيا .. مبقاش أنا آخر حاجة..
بتفكر في نفسك .. بتفكر فيه هوا .. طيب فين أنا ؟؟
باخد دوا كل يوم .. كل يوم عندي حساسية .. ومفيش حد حاسس بيا..
انت بتلومني .. وعايز تريح ضميرك.. طيب أنا فين ؟؟؟ ليه دايما أنا كبش الفدا؟؟
ليه دايما أنا اللي استحمل كل حاجة؟؟ ليه الكل بيحمل عليا ؟؟
أنا أحمل على مين؟
مين يساعدني؟
مين يسمعلي؟
حتى امبارح عملت كل اللي متفقين عليه بالحرف.. بدل ما تفرحني.. وتفرح بيا.. تزعقلي وتشتمني..

ظلمتني وهنتني بدون سبب .. مستكبر تصالحني وتقولي حقك عليا متزعليش..  أنا فرحان بيكي.. كنتي زي القمر .. الفرحة منورة وشك..
لكن بدل كل ده.. إهانة وظلم من غير سبب..
عارف اني مزنوقة ومش ملاحقة.. كنت مستنية منك تقولي اساعدك ازاي.. اعملك ايه..
لكن انت آخر طناش.. محمود مسألتش.. الهارد ديسك برده مسألتش.. أسافر أزاي.. ميهمكش..
مش ده اللي كنت متوقعاه من محمد.. الجدع.. الراجل.. الشهم.. اللي بيقف مع الغريب قبل القريب..
محمد راجلي .. وسندي.. وضهري..

كان نفسي.. تكون انت انت.. زي طبيعتك.. زي ما عودتني.. بطيبتك .. بحنيتك.. بقوتك.. بحمايتك ليا..

كان نفسي تعوضني مش تعاملني ككبش فدا ليك وليه.. رفقاً بالقوارير.. قوارير عشان سهلة الكسر واحساسها بيتجرح بسهولة.. فين الرفق؟؟ فين القوارير؟؟ محمل عليا زي ماكون حديد أو حجر.. مش مقدر اني فاضلي يومين بس.. وبعدها ياعالم..هبقى في بلد تانية.. وقارة تانية..