عاملة نفسها مش واخدة بالها

فعلا ده ...حقيقي

أنا لما خرجت ومتصلتش بيها معبرتنيش ومقالتش انت أتأخرت ليه

 هو انا حشحت السؤال والإهتمام

شوفت يا عم  البلوج
 ولا هي هنا ..!
 ولا بتسال ولا بتتصل ولا بتقلق ولا بتفكر في حد
قمة الانانية .. قمة الاهمال .. قمة عدم المبالة
 اتكلمنا ساعات وبعدين خرجت وفعلا المشاور بعيد وإتاخرت ..
 كان نفسي تتصل تسأل عليا ؟
 تحسسني أني أتأخرت عليها ..وحشتها ...ولو بالكدب
 لكن واضح انها اتغيرت كتيييييير  ... ومبقاش حد يهمها
 مع اني جبتلها هدية ....!
المهم بس هي تكون بخير ومش تعبانة
 موبايلها مقفول ولا بترد على الاسكيب ولا بتعبرني

يارب مترجع الايام دي .............

هو : مش مهم المهم انتى كويسه

هى :سكوت وعرفت صوته واتنهدت تنهيده فيها كلمه "واحشنــى" بتتقال فـ صمت وقالتله وانت اخبارك ايه ..؟؟

هو : عايش 

انا اسف انى اتصلت من غير سبب حقيقى بس كنت عاوز اطمن عليكى

هى : لا مفيش مشكله

صمت تام فـ المكالمه ( بس جوه كل واحد كلام كتير اوى ) ...

هو : طيب خلى بالك من نفسك ... ســــلام

هى : والدموع مغرقه عنيها ... سلام

قفل معاها الخط فضل باصص للتليفون شويه

وسرح لما اول مره كلمها ، ولما اول مره شافها ، وافتكر لما كان عاوز يقولها بحبك ومش عارف ، وافتكر كمان لما قالها ساعتها هي عملت ايه وشه كان مليان بابتسامه حلوه ف صمت تام ف المكان فضل ساكت وسرحان وكل الناس باصين عليه وهو مش شايف حد

عدى اكتر من 3 دقايق دموعه نازله على وشه وكأنه طفل صغير

فاق لما موبايله رن تاني برقمها ،،

انتبه للناس انهم باصين عليه

اتكسف حبه ،،

طلب حسابه و خد موبايله وحاجته ومشى من المكان

وفضل يفكر كتير اوى فيها

بعد ما خلص تفكير

طلع موبايله وجاب نص رساله جديده وكتبلها

"انتى انسانه عظيمه اوى . .

ولو رجع بيا الزمن تانى انا هختارك انتى وهحبك انتى ،،ربنا يوفقك في حياتكـ "

وعمل للنص ارسال وبعد ما عرف انها استلمت الرساله

طلع الشريحه من التليفون كسرها وسابها ومشى :'((

اصعب حاجه ف الدنيا بجد لما يكون حد واحشك اوى ونفسك تقوله كلاااااااااام كتييييير اووووووووي

بس للأســف مش عــارف وماينفعـش

انا تعبانة

بمناسبة ( إنتم زهقتوني   , وإنتم غدارين , إنتم خايبين  , إنتم بتسوفه & ............).

انا مش هقولك الكلام ده بشكل مباشر ...علشان عارف انك تعبانة ومرهقة وعليكي ضغط كبير
 بس انا هشتكي للبلوج ...صديق الازمات.

ينفع يا عم البلوج ...كل شوية تقول كلام مش كويس على اهلي ...
 وهما فعلا بيحبوها

والله العظيم فعلا بيحبوها
 وهي عارفه أد أيه اهلي غالين عليا ....
 أنا مليش اهل غير امي ربنا يخليها واخ واخت طلعت بيهم من الدنيا

 وهما دايما واقفين معايا وبيحبوني وبيساعدوني
حتي هما ألي رجعونا لبعض انا وهي
علشان كدا انا بشتكيلك منها لانها تعبانة وأنا مش عايز ازعلها واضغط عليها ومقدر كل ألي هي فيه.

ياريت تبلغها في ودانها...ان اهلى ( خط أحمر ).
هي قلبي وهما اهلي
 زي ما محدش منهم يقدر يجيب سيرتها بحاجة مش حلوة  ...المفروض هي كمان تحاسب على كلامها ...
 ده هحتى لو خايفة على زعليلي وبتحبيني زي منتقول.

كمان في حاجة مزعلاني منها جدا
الموضوع بتاع العريس المتقدم
 بتحطيني في مقارنة مستمرة معاه
 كان زمان لما أكلمها على البنت ألي كنت كاتب كتابي عليها
 تزعل وتقول مين دي انا مراتك
 دلوقتي هي بتعيد نفس القصة معايا بتزعلني وتضغط على اعصابي وتجيب سيرته في كل حاجة
 واضح فعلا ان قلبها بدا يتفتح ليه ومش فتحة صغيرة
 والدليل هي قالت بنفسها (((فترة كمان وكانت هتحبه)))
 أنا فاهم الحب ده جاي من أيه ::::
 هي كانت بتدور على إحتياجات معينة وربنا بعتلها واحد يحققلها كل اإحتياجات دي
 بس هي رجعتلي وإنشاء الله هتبقى مراتي
 والمفروض لاهي تفكرني بعرسها ولا انا أفكرها بالبنت الي كنت خاطبها
 ده عدل
 علشان نقدر نعدي المرحلة دي على خير.
والسلام

الحمد لله وكفا بها نعمة

الحمد الله عدد ما في السماء والارض
 اللهم ما أعني على ذكرك و شكرك وحسن عبادك

 ربنا الحمد لله إستجاب لدعايا .... ورجعلي منو
اانا دعيت ربنا بالخير وانه يرحمني من العذاب ألي كنت فيه
 والحمد لله ...... والله أنا كان عندي يقين
 رجعتلي وإنشاء الله هنكون مع بعض في الحرم
 زي مكنا بنحلم من فترة طويلة
 وإنشاء الله هضحرجها في المسعي.

أنهاردة أول مرة من زمان كنت جعان جدا ...رحت اكلت بط وشربت عصير واكلت شوكلاته وشربت شاي
ونمت باليل كويس .

 الحمد لله الحمد لله
 رب اوزع لي ان أشكر نعمتك علي.

 يارب اهديني وأرضيني
 وأكرمني
 يارب اقدر أحافظ عليها وأسعدها ..وأعوضها عن البهدلة ألي شافتها مني .

يا رب اهديها وإرضيها وأكرمها وأرض عنها ....
 منو طيبه وجميلة و...يارب أهدها ألي سواء السيبل .

أللهم ما إجعلنا نتحب في الله يارب
 يارب نبني بيت مسلم ونربي اولادنا على الدين والاسلام والخير والادب.

يا رب رحمتك وسعت كل شيئ ..فإرحمنا .

كيفية صلاة الاستخارة

الاسْتِخَارَةُ لُغَةً : طَلَبُ الْخِيَرَةِ فِي الشَّيْءِ . يُقَالُ : اسْتَخِرْ اللَّهَ يَخِرْ لَك . 
وَاصْطِلَاحًا : طَلَبُ الاخْتِيَارِ . أَيْ طَلَبُ صَرْفِ الْهِمَّةِ لِمَا هُوَ الْمُخْتَارُ عِنْدَ اللَّهِ وَالأَوْلَى , بِالصَّلاةِ , أَوْ الدُّعَاءِ الْوَارِدِ فِي الِاسْتِخَارَةِ . 
وهي : طلب الخيرة في شيء ، وهي استفعال من الخير أو من الخيرة – بكسر أوله وفتح ثانيه ، بوزن العنبة ، واسم من قولك خار الله له ، واستخار الله : طلب منه الخيرة ، وخار الله له : أعطاه ما هو خير له ، والمراد : طلب خير الأمرين لمن احتاج إلى أحدهما .(ابن حجر : فتح الباري في شرح صحيح البخاري) 

اللهم ما أجرني في مصيبتي وأخلفني خيرا منها

دبدوب عيد الحب

شوفت يا عم البلوج
العريس الجديد جاب الدبدوب
بس يا تري ..لما ادها الدبدوب ..قالت ايه؟
ياتري قالتلوه شكرا يا حبيبي
 يا تري مسك ايدها ولا لسه
 يا خبر على الي جاي ..ده الي جاي فيه (((( جودي ))))

بقت قاسية قوي ...معدتش بيهمها امرنا زي زمان ..وتخاف علينا
 بقى كل الي يهمها مصلحتها وبس
 بتدور على راحتها ومستقبلها وبس
 ياريت الواحد يعرف يعمل زيها ........... لكن هيهات
انا كنت بحب قوي قوي قوي.
 وهي كان عقلها شغال وواعي للبيحصل ......
 وفي لحظة القرار ..وانتهي كل شيئ.

صحيح أنا السبب في كل ده ...... بس هي قالت ان الحمد لله ان الامور مجدش فيها جديد .
مع انها كانت زعلانة جدا اني سافرت من غير ماخد خطوة إيجابية .

إنت عارف انا قبل مشيلها من الفيس ..شيلت 211 صديق مشترك بيني وبينها ...علشان معرفش عنها حاجة.
 وفي الاخر انا الي بروح برجلي اتفرج على صفحتها .
 واعرف الأخبار بنفسي.
 وبعدين اقعد اعيط ...شوفت نصاحة اكتر من كدا .

 وطبعا هي لو قرات الكلام ...بصعب عليها شوية ..وبعدين تشوف الي وراها ...هتسافر ولا هتكلم خطيبها ولا تحضر حاجة العمرة.

 والأغنية الي حاطاها انهاردة والله أنا حاطط الاغنية الي جمعتنا مع بعض ...قبل مشوفها ((شيئ انكسر لإليسا ))
كانت لما تيجي الأغنية تشتغل في العربية اقولها ....عديها ....معرفش انها هتفضل معايا
 ادوب فيها حنيني وحياتي وروحي الي راحت مني ........ أدوب الندم مع لحظات النسيان .

حراااااااااااااااااااااااااااااااااام


انا الي حياتي واقفة ومش عارف هتتحرك امته
 واحد زميلي في الشغل حصل معاه موقف مشابة السنة الي فاتت
 جاتله جلطة في رجله.
 ربنا يستر والله

مش لاقي كلام اعبر بيه عن الي جوايا ...اكتر من الدعاء والاسغفار .

هدية عيد ميلادها

نفس الي حصل امبارح ..منمتش الا ساعتين ...

 انهاردة نمت الساعة 12 وصحيت 1.14 

يعني ساعة وربع باظبط في النوم
 واله اعظيم صحيت مفزوع من النوم ...بدور عليها ودماغي فيها تداخلات كتيرة وصداع رهيب

 صليت لله يرحمني ويغفرلي وقلت اشوف البلوج ......

بص باة يا عم البلوج ............

لما كنا مع بعض ..وطلبت عباءة هدية في عيد ميلادها مع اني كنت ناوي اشترلها جذمة   وطلبت أختي تجيبها معاها 

والله العظيم انا قلت لأختي على طول وهي مكنش عندها مانع

 ولما حبيبتي سالتني عملت أيه قلتلها لسة مكلمتش أختي

لأني فكرت اجيبهالها انا بنفسي من هنا وأبعتهالها مع اللبان وفسدق هي بتحبهم

وفعلا نزلت ادور على عباية خروج لونها موف لانها طبعا بتحب اللون الموف لكن فوجئت ان كل عبايات الخروج ألي في البلد لونها أسود  فقررت أشوف عباية بيت

وكنت عايز اعملها مفاجئة واعرفها انها غالية عندي  كتييير 

  وفعلا جبتها لونها موف ..لكن يا خسارة قبل متعرف ولا تشوفها ..كانت الصدمة وسابتني من غير اي لحظة تفكير ..اكيد طبعا انا وصلتها للنهاية دي بغبائي

...

 وبعتهالها مصر وقولت لاخويا سيبهالها في الشركة وياريت لو شافها يسلمها يد بيد  ..لكن سلمها لواحد في الشركة ومعرفش وصلت ليها و لا لأ كان نفسي اعرف شعورها لما تشوفها

 كان نفسي افرحها بدل الغم الي كان عمال على بطال.

كان نفسي اجيبلها ورد احمر مع هدية عيد ميلادها..لكن الي حصل منع حاجة زي كدا 

السنة الي فاتت في عيد ملادها جبتلها دبلة دهب ....ولبستهالها بايدي ...يا ترى مصير الدبلة ايه..... ( علبة الدهب ولا هتترمي في البحر)

اكيد العريس الجديد هيجيب دبلة الماظ أوتمنها اكتر 10 مرات من دبلتي .

اما بالنسبة لنفسي دبلهتا في أيدي طول ما أنا حي.

يا خسارة بعد ما سبتني  اقعدت افكر واستخير وقررت انها هي ألي هتبقى مراتي و قلت لامي كلميها ..أنا إختارتها...كان الوقت اتاخر والمسافة بعدت والموضوع اتعقد وطرف جديد دخل الموضوع .

أو هو في الموضوع من الأول ....وهي مخبية !!!!

دايما كنت أقولها (((حمادة هيموتك لانه متجوزش قبل كدا ..وبيحبك من زمان و إنت كمان يعتبر متجوزتش قبل كدا ..ربنا يهنيكم ببعض )))

هو بسرعة كدا بدا يجبلك دباديب ...........!!!!!

سبحان الله 

 قبلها باسبوع لو كان ماما كلمتها  .....كان زمنا مع بعض لسه ويمكن كان في تطورات في الموضوع كبيرة

حتى اهلى لما كلموها مكنوش يعرفوا حاجة

 انا قلتلهم كلموها وصالحوني عليها ان مش قادر اعيش من غيرها

 لكن الحصل حصل 

 كل دقيقة امسك الموبيل عايز اكلمها ...لكن متاكد انها مش هترد عليا ..ده في دماغي مع اني عارف انها متعملش كدا

 ونفس الوقت مش عايز انغص عليها عيشتها ...هي نفسها تعيش حياة طبيعة ومن حقها ...بس هي حبيبتي وأنا حبيبها .

روح واحدة في جسمين 

 مومو ومنو

كيوت كافية 

 ابو على 

التجمع 

قصة حب ميعشهاش اي إتنين. ( أصل إحنا أتنين مش زي اي إتنين )

حكاية تتحكي زي قيس وليلي

بس انا الي ضيعتها مني بغبائي

رحمتك يا رب

 يا تري عامله أيه بتسافر وتروج وتيجي وحالتها كويسة 

 نفسي اطمئن عليها 

 واخبار ولادها أيه 

 والعريس الجديد عامل أيه مع الولاد

 اكيد هيكسبهم بكل الطرق والوسائل علشان تحبيه...

تعرف يا بلوج ...كل معمل حاجة علشان انساها وأبعد عنها الاقي نفسي بفكر فيها اكتر وبتعب اكتر
يعني لما اتشمللت وشلتها من الاسكيب ولا الفيس ولا حتى غيرت الباس ورد بتاعك علشان احتفظ بيك وهي متمسحش حاجة.
 كل ده خلاني اتعلق بيها وافكر فيها وانا اساسا مش ناقص ...يارتني سيبتها ..على الأقل كنت شم ريحتها في اي حاجة.
والله العظيم الفيس بوك معدش ليه اي طعم من غيرها......

المكالمة الي قصمت ظهري

تعرف يا بلوج في 24 ساعة نمت ساعتين وصحيت مفزوع
 والله العظيم نمت من الساعة 3 إي 5 وصحيت مفزوع بدور عليها لاني وانا نايم أفتكرت مكالمة حصلت بيني وبين حبيبتنا
 المكاملة الي كل مفتكرها بكره نفسي
 كانت عايزة تكلمني تتحمي فيا بتحبيني وعيزاتي ..واحشها ..وإنا كنت تعبان وكانت الساعة عندي 2 باليل.
 رنتلي كتيييييييييييييييييييييير ..وفي الاخر صحيت رضيت وفتحت عليها وشتمتها وبهدلتها
 انا فعلا إنسان زبالة واطي ومش متربي ومش محترم ومقدرتش حبها ليا....
بس ميبقاش الثمن روحي تروح مني ....

قالت لماما ((إن قلبها إسود من ناحيتي ))) ؟؟؟؟؟؟؟؟؟؟؟؟؟؟؟؟
 إزاي ..دا إحنا روح واحدة في جسمين .......
 بس اكيد هي إتغيرت من ناحيتي بسبب أفعالي وقلة ادبي وعدم وفائي بوعدي معاها .
ولازم هي تعرف إن انا دفعت الثمن غالي في غربتي ووحدتي
وإن كل دمعه نزلت من عينيها بسببي ...إنا نزلت أدامها كتييييييييير
 ربنا اخدلك حققك مني ......
أنا عارف انها مستنية العمرة علشان تستغفر ربنا من الذنوب ألكتييييير ألي كنت انا السبب فيها
 وألي من وجه نظري السبب الرئيسي في فراقنا ....
 وإنها عايزة لما ترجع بعد العمرة تبتدي حياة جديدة مع إنسان تاني ....يحبها ويحترمها ويقدرها.
مش بس بالفلوس بالرعاية والإهتمام والتوجد (حياة .. زي مقالت لاختي ).

بس هل الإنسان ده هيحبها وراعيها زي مكنت بعمل ...الله أعلم ممكن اكتر ...ممكن يكون واحد من ألي بيحبوها من زمان ...
مهو كل الي عرفها حبها ...بس هي حبيتني أنا...هي قالت كدا ..
بس ألي هي عملته فيا ..كان قاسي قوي ..مرحمتنيش في غربتي وسجني........

ممكن ألي هتتجوزه يخليها ملكة والعشرة الطيببة هتخليها تحبه....والله انا بحبها واتمنالها الخير ... بس مع غيري؟

 طبعا هي بتقول فترة وهتعدي اكيد هي هتنسي....لكن هي عارفة ان أنا مش ممكن انسي عمري وقلبي وروحي وكل حاجة حلوة
 مهما طال الزمن.... والمرات إلي فاتت تشهد ...

وهي عارفة وقاللتلي لما إتفرجت على فرح اخويا ..باين جدا إنك بتحبيني انا ..مش سعادة واحد مع عروسته.

.حتى بعد كتب كتابي ...أول مكلمتني رجعتلها من غير تفكيري ...لإني محبتش ولا أعرف أحب غرها.

 كنت عامل بوست على البلوك قبل منسيب بعض (((( بتقولي هتوحشيني إزاي وصورتك نن في عيوني )))).
http://www.youtube.com/watch?v=bGW5oZvOvhM

لما التليفون يرن ولا رسالة تيجي ...مبرداش ابوص فيه ..وأتمني في عقلي إن حبيبتنا تكون هي الي بترن او باعته الرسالة
 لكن لما أرجع ابوص في الموبيل وألاقي حد تاني ....بيركبي حزن زيادة .

نفسي أكلمها وأسمع صوتها ...بس يا تري هترد عليا ...مش عارف ؟
كنت محضر نفسي أشوفها في مكة ...بس هي قالت لماما مش هينفع .....

أكيد مش عايزاني أأثر على قرارها وهي اكيد التزمت مع  العريس الجديد ممكن يكون في تليفونات ومقابلات وخروجات وعزومات ..طبيعي بيعرفوا بعض ... وهي مش عايزاني ابوظ حياتها تاني زي معملت مع خالد.

كنت دايما اقولها خالد ده حمار ميفهمش ..إزاي تبقى معاه ومحطكيش في عينه.......
 لما بقيتي معايا ...عملت اكتر منه خمسين مرة بهدلتك وشتمتك وضربتك ....
دايما كنت تقوللي خيركم خيركم لاهلة ...وانا كنت معاكي زبــــــــــــــــــــــالــــــــــــــــــــــــة.

 مش عارف اعمل أيه غصب عني ... تعبان
بفكر اروح مكة وأقعد في الحرم ادور عليها ...يمكن اشوفها او أكلمها ....

لما عملت عمرة اول مرة قلتلها كنت بتخيلك معايا في المسعى ..وكنت عايز اضحرجك وإحنا ماشين ...ولما هي عرفت انها هتطلع عمرة ..قالتلي إنا مش عارفة لما أشوفك هعمل أيه ...إظاهر كنت واحشها جدا ...ايام ما كانت بتحبيني .
وانا قلتلها دأنا ساعتها هبقى حارم  وده مفهوش هظار هندبح على طول ...لكن الامنية والفكرة والحلم متحققوش.

مهو انا في مكان بروحه أو اشوفه بتخيلها وبتمناها معايا ....هي الإنسان الوحيد ألي بتمني يكون معايا في كل مكان جديد وأي مكان .

رحت مكتبة جرير ..مكتبة مشهورة جدا ...فيها احدث الكترونكس في العالم ..مكنتش انا ألي بيتفرج ...عارف ان حبيبتنا بتحب الحاجات دي جدا...والله كنت ناوي اكتبلها بوست على الفيس واقولها شوفتلك حاجات جديدة وجميلة هتعجيك .....قلت لا انا هحكي لماما على ألي حصل بينا وهي تخلصي الموضوع معاها ....لكن المشكلة كانت كبرت وهي بعدت ومش بتفكر ولا بتبوص وراها ...كأنها هربت من سجن سجنها اكتر إنسان حبها وحبته فى الدنيا .

غصب عني مش بخاطري شلتها من الفيس بوك والاسكيب ؤ...مع إني عامل الإسكيب ده علشانها ..... مش مستحمل اشوفها اون لاين ومبتكلمنيش ولا عاملة بوست على الفيس ومبتبعتليش رسالة ...والكارثة والي جربتها قبل كدا لما ينزل خبر الجواز ...
 ربنا يستر المرة الي فاتت كان خالد وده معروف أخره فين ...
لكن واحد تاني ..كأني بالظبط بيعمل فيا أنا ...... هموت ...انا عارف هموت من غيرتي عليها ...وهي عارفة كدا كويس كانت دائما تقولي انت بتحبيني وبتغير عليا من الهواء ...والله العظيم دي الحقيقة ....بحبهاااااااااااااااااااااااااااا.
وعمري مقدر اتخيل انها مع واحد تاني ..مع انها كانت معايا وماحفظتش عليها .... حاسس ان شعري شاب .
وأجمل لحظات حياتي خلصت مع اجمل وأرق وأنبل واطيب إنسانة في الدنيا .....


 بصراحة يا بلوج ربنا يخليك ليا ..بفضفض معاك في اي وقت زي متكون حبيبتي ..حتى لما صحيت بدري ومفيش نوم كتبتلك قبل الشغل .وزوغت من الشغل علشان اكمل كل الي جوايا.

عصير البرتقال

انهاردة خرجنا انا وزميالي علشان نفطر في ساعة الراحة
كلهم طبعا طلبوا اكل ..وانا مليش نفس لأي حاجة
 وفجاة ببص في الثلاجة
 لقيت عصير برتقال
 إفتكرت حبيبنا كان بيحب عصير البرتقال ..وبصراحة انا بحب عصير المنجة
 إلا إني أول مشوفته اخد واحدة وشربتها وطبعا دماغي كلها في أيام الزمن الجميل
 أيام مكان حبيبنا معانا ..وكنت مطلع عينه وعين الي جايبينه

ده انا حتى كنت دايما أجبلة عصير البرتقال معلب + الجزر ..طعمة كان وحش بس كان بيشربة علشان انا جايبه ...بس انا كنت فاهم غلط ..
هو كان بيحب البرتقال الفرش مش المعلب .
 وهو بصراحة كان دايما يحذرني
 بس أنا كنت بهرب منه وأعد أتخانق وازعق واشتم...
لأني كنت محروج انفذ ألي اتفقنا علية...مكنتش اعرف انه فيها موتي....
الإحراج ده ضيع مني اغلى حاحة في حياتي ..والله انا متغيرتش ولا بقيت بخيل ولا حاجة
 انا بس نفسي اعمل حاجة بسرعة وارجع مصر
 وأكون جانبه لكن الزمن والوقت والصبر مدوش الواحد الفرصة انه يعمل حاجة
 الغالي راح وراحت الحاجة الحلوة الطرية ألي في حياة الواحد

ده حتى الفيس بوك ملوش طعم بعد مشلتها منه .....ما أنا هعمل أيه ....بفتح صفحتها وافضل مستني اي حاجة هتجنن...ثم هي اخدت مني روحي ... ان هحرمها من فيس بوكي ....قال يعني !!!!
 مهي ماشية ولاغية كل حاجة بمزاجها ..ومش عايزة تعرف عني ولا تسمع مني ...قرار (((سيف ))) قطع كل الي كان وراه.

قالتي في اخر مكالمة انها حبتني اكتر من نفسها ...وعملت فيا كل ده
 امال أنا بقى حبيتها إزاي لمه ده حالي ..ولما كنت أسيبها مستحملش وارجعلها.
 ده حتى من فترة عملتها معيا ومرديتش ترد عليا ..كنت اتجنن وزعلت منها ..وقلتلها متعمليش كدا تاني
 لكن المره دي الخابطة جامدة جدا........
يا رحمن يا رحيم إرحمني وإغفرلي وإرضيني وصبرني

متزعلش يا عم البلوج

خلاص متزعلش
انا عارف أني كنت مطنشك الفترة الي فاتت
بس خلاص معدش لينا إلا بعض
 خلاص حبيبنا وتالتنا ...فارقنا وسبلنا ذكريات كلها جميلة نفتكره بيها
 انا عن نفسي مش هسيبك
 انت الذكره الحلوة
 بس انا مش هغير في شكلك لان حبيبنا ألي كان مظبطهولك
بس اوعدك نفضل مع بعض ..إلي ان يشاء الله.
 يا يا عم ده طلع قاسي جدا ..وعنده جبروت غيرطبيعي.
كان مخبي واء الجمال والأدب والأخلاق والطيبة والحنية ...كان مخبي وراها ((جبروت )) غير طبيعي
 سبنا أنا وأنت واتخلى عننا
 أنا مش مصدق...
ده تقريبا طلع أله ..ماكينة . مش دم ولحم زينا ...حاجة كدا بتشتغل بالزراير ....ضغط على زرار ..وفي ثانية مسح كل الي فات ..حاجة غريبة .
 والله يبقى كتر خيرة لو يبعتلي الزرار في ميل ..لاني أنا تعبان جدا ..لا نوم ولا أكل ولا شغل ....
 ربنا يستر ...الواحد كدا هيخسر كل حاجة
 القلب وخسرناه .....!
 كمان هنخسر الصحة والشغل .....
والله العظيم أنا حاسس اني هتشل .... لساني ساعات بيتقل جوه بقى مع صداع رهيب ونغز في دماغي .... معلش انا بني ادم لحم ودم برده .... بحاول أقاوم لكن مش قادر ...تعبان جدا
 يارب فرج قربي.........يارب رحمتك ..
لا إله إلا أنت سبحانك إني كنت من الظالمين
ذنب خالد ...ربنا ذوقني من نفس الكأس الي شربتهوله ..... وحبيبنا ولا هو هنا ..عايش ومقضيها .

 بس هو ده الي حصل
 إنشاء الله لما أخلص شغل كل يوم همسي عليك .

شاطرة وعقلة فعلا ...10/10

شاطرة وعاقلة وممتازة ومحترفة ..اخدتي القرار بعقلك ونفذتيه زي السيف .... ولا خطوة لورا ..ولا كأن كان فيه حاجة قبل كدا

 مش عبيطة زي ..كنت أخد القرار بعقلي وأرجعلك زاحف على بطني ..يمكن علشان أنا حبيتك بجد
 الصوت الهادي الواضح الواثق المرتاح ..يقول أنك ولا كان فيه حاجة أسمها مومو..كأنه محصلش
شاطرة عاقلة.
يا بختك ..بس الحقيقة انت طول عمرك متميزة في أي حاجة تعميلها حتى في القرار (((سيف )))

أكيد مش سرحانة في المحاضرة ...........
 أكيد مركزة وحايتك مظبطة ..............
اكيد العريس بيتكلم معاكي في التليفون ....خلاص كفاكي ....................

 مإنت جالك عرسان كتير قبل كدا ؟؟؟؟؟؟؟؟؟؟؟؟؟؟؟؟
  إشمعنى العريس ده ..ألي خلاكي تضحي بيا .......
المهر كام والشبكة كام والشقة فين  ؟؟؟؟؟؟؟ .......................... اكيد أهلك مزاجهم عنب  !!!!!!!!

  خلصوا من الشخص الإنتهازي الجربوع الشحات ... وجالهم الي يملا عنيهم ............

وأكيد طبعا مش بخيل بيصرف ويعمل ويسوي ..طب مهو معاه فلوس!!!
 أمال ألي كان بيستلف علشان يجيب هدية ولا يعزم ولا يجيب مصروف سفر...اكيد ده البخيل فعلا............ ..ده انا لسه مديون بفلوس منها

طب وأنا .....خلاص .... هموت  ....... مش مهم ............ في ستين داهية

 بتقولي انت مش عايزة تتجوزي ورقة
 انا مومو بقيت ورقة ...........

متنسيش وإنت لابسة الفستان الأبيض وعاملة شعرك في الكوافير وحاطة مكياج وإنت بتسلمي على المعازيم وتبتسمي وتهظري تأخدي الميكرفون كدا وتغنيله أغنيه أليسا الي كنت بتغنيهالي ((ليله البسلك الابيض
وصير ملكك والدنيا تشهد
وجيب منك  انت طفلك انت متلك انت))))
 عادي ..الي تنسي الحكاية ببساطة كدا ...تغني عادي ولا كأن حاجة حصلت

كنت بتقوللي انا عايزاك انت تبوسنى وتحضني .....متستناش لأحسن يجي الوقت الي احب اني اتحضن واتباس وخلاص
 إظاهر الوقت ده حان ............

طب هتحبيه   وهيحبك زي مكونا مع بعض ...... أنا وإنت ......
 إنت هتبقى مراته   .......!
 وده اكيد مش زي خالد
 فاكرة لما كنت بتقوللي خالد واتعودنا عليه ...أمال لما يجيي واحد جديد ...هيتجوز ..هتلبسيلوا اللبس ألي جبتهولي من امريكا.وطبعا((هسيبوس ويحضن ويلعب ويدخل ويخرج ويجيبهم جوه ))
 بني أدم طبيعي ...........هيبقى عادي بالنسبة لكي واحد غيري يعمل معاكي كدا ........امال حب أيه ألي كنت بتتكلمي عليه

متهيألي مفيش عندك مشكلة .... عادي معاكي ..كلة عادي
 الدور والباقي عليا انا ..ممكن اموت فيها ..لاني حبيتك بجد ..مش كنت بمثل


  و طب سؤال هتروحي معاه (حلمي و كيوت كافية والرحاب والتجمع وسيتي ستار وستار بكس وكوستا  والجامعة ..........
 ممكن يسفرك بره ..بس هتحسي بالي كنت بتحسيه معايا وتفرحي زي مكنا مع بعض ...يبقى أكيد مكنتيش بتحبيني.
أكيد هتبقي سعيدة وتتضحكي وتهظري ...مهو الي فات كله كان تمثيل ..وممكن الي جاي كلة يبقى تمثيل برده

يعني استنيتي واستحملتي  مع خالد 17 سنة .... مجتش على سنة.. معايا ..إذا كنت فعلا بتحبيني

 تخلصي دراسة واتعلم انا حاجة في الشغل ممكن اخد شهادة  ............... أرجع الاقي شغل مش تصرفي عليا ........


 إنت محبتنيش على فكرة ( إنت حبيتي الشخص الي بيراعي ويضحي ويجيب ويودي ...ويسافر ...)
لكن غير كدا مينفعش تستحمليني شوية علشاني ليه ....ألمهم انت محتاجة ايه ..أنا اعمله  ....

 مصلحتي  انا . ...عرفت مين الي اناني

 الراجل من غير شغل زي الست من غير جواز
 عايزاني اقعد جنبك استناكي لما تأمري بحاجة اعملها ........... وتديني مصروفي ..وتمنعيه عني ....

 طب الاقي شغل كويس ارجع ...

 انا في حالة غريبة ..طب أكل وشرب وماشي نستحمله ..لكن النوم ده الي حاجة غريبة .....مفيش نوم لحد ملاقي رقبتي نزلت على صدري وانا قاعد  فاتح الجهازعلى صفحتك في الفيس ..يمكن تعملي بوست ولا حاجة ...(بس واضح أنك مش فاضية دلوقتي للفيس بوك والكلام الفارغ ده) .. بعدين..اروح السرير ..افضل مفتح عنيا لحد معاد النزول وافكر في كل موقف وكلمة وحركة وذكرى . ..وأقعد عمال اتهز ودماغي بتوجعني ...
وانت في التمام ..كله تمام يا معلم ..سفر ودراسة وشغل و..والجواز ....هو أنا إلي ضعيف وحساس زيادة عن اللزوم وكنت بحب بجد......و انت كنت بتمثلي .
الوداع يا منو

كل سنة وإنت طيبة

انهاردة  عيد الحب    14/02/2013
كل سنة وإنت طيبة ....
 يا ترى العريس كلمك وقالهاك
اكيد كلمك وقالهالك ............ ويمكن جابلك هدية مهو مش بخيل ..انا ال بخيل
وانا قاعد في قبري مستني .....المرار والحزن ..........

مش بيعيد تكوني عاملة invisible على الأسكيب وبتكلميه على طول
خليني اجرب النار ألي كنت بحرقك بيها الشهور الي فاتت
وهستخدم كلمتك في اخر الأيام ((((ام الوضع الزفت ده حبيبي انا بيكلم واحدة تانية )))) ... بخط أيدك

?????????????

مرة واحدة كدا .........

مش معقول 

 انا قاسي غدار عصبي قليل الادب 

 لكن مقدرش أعيش من غيرك  ........... أنت جامدة قوي 

حاجة غريبة والله ان مش مصدق نفسي

 ان من يوم 4/2/2013 ..الإثنين الاسود

 لا باكل ولا بنام ولا بشتغل

 وأنت حياتك تمام سفر وجواز وعيشة هنية .

حراااااااااااااااااام

 والله دماغي سخنة على طول .....................

 أنا تعبان ........

 بس اكيد ذنب خالد ......اكيد أنا عملت فيه كدا .............أكيد كان بيعاني زيي دلوقتي ..وطبعا انا مكنتش حاسس ...اصل كنت خدك منه!

 ربنا بعتلي الي خدك مني!

 طب والحب والهيام والكلام الصبح وباليل .........\

راح في كلمة ونص

 طب انا هعيش أزاى........ هنت عليكي كدا

 بس برده انا بهدلتك .انا عارف انا حيوان وجذمة وقليل الأدب .........بس متسبنيش .......... وتخلفى "" جودي """ من غيري.

طبعا هتقولي انا كنت في أيدك ومضمنكش ..من عارف دماغك

 انت اتديني درس عمري

 انا اتعلمت الأدب مع كل الناس

رحمتك يا رب ......انا بموت والله ........شكلي هتشل او هيجيلي سكر أو ضغط.

مغص وصداع وعياط والله العظيم في الشركة ادخل الحمام وأعد أعيط

اكيد في حاجة غلط اكيد خالد  انا بهدلته..................

أنا معيطش كدا من ساعة مبلغت ...................

والله ولا ما بابا مات.................

انا مش عارف اتكلم ولاأجمع دماغي ..ربنا يستر .........