10/03/2013

إزيك يا عم يا بلوج

شوف أنا هقولك على حاجة انا عارف انك مش هتصدقها 

مهو أصلا أساسا انا مش مصدق

 تعرف أيه ألي حصل يوم 10/03/2013 

 انا وحبيبتي منو اتخطبنا

 طبعا هتقول عليا كداب او سكران

 والله أنا نفسي مش مصدق 

حصلاية ؟  أهلى راحو البيت ولبسوها الدبلة وماما زعرتت

 

بس هو الحقيقة اهلها مزودنها شوية 

 بس الحمد لله ربنا وقفلها صحبتها وخالها وزوجة خالها واليوم كان جميل 

 وأنا كنت قاعد هنا زي الأطرش في الزفة

 لا سامع حاجة ولا شايف حاجة 

ربنا يكملها على خير

 ان قدمت على أجازة وإنشاء الله هنزل يوم 14/04/2013

وإنشاء الله إتفقنا على يوم 17/04/2013 يكون الجواز

 وعلى فكرة منو حلمت باليوم ده من زمان 

وحلمت كمان ان خالها هو ألي هيقنع أبوها بالموضوع بتعانا

 ربنا يهدي أهلها علشان الفرحة تبقى كاملة

 انا مش عارف هما واخدين مني موقف ليه

صحيح هو فيه حاجات غلط حصلت من زمان والمشكلة أنهم عرفوا عنها

بس دلوقتي احنا بنتكلم في الصح

المفروض هما عايزين ساعدة بنتهم وخايفين عليها 

بس هما كدا بيذودا المشاكل

 مش عايزنها ترتاح

 أصلا أنا بحبها جدا ومش عايزها تكون حزينة ولا زعلانه

بس أنا خايف ....

هتسال خايف من أيه اقولك معرفش ؟

 بس خايف وقلقان 

حاسس ان ممكن أي حاجة تحصل وتعمل مشكلة كبيرة

 بالرغم اني نفذت كل ألي اتفقنا علية بالحرف

  إلا ان لسه قلقان 

 واهلها بيضغطوا عليها من ناحية الاولاد

 ربنا يستر ويكملها على خير

يارب رحمتك وسعت كل شيئ ..فأغفر لنا وإرحمنا يا أرحم الراحمين