لما لا قـيـتــــك

لما لا قـيـتــــك...

لما لاقـــيتك عرفت يعني إيه " وحشتني " ويعني إيه

" محتاجة اشوفك " ويعني إيه " ب ح ب ك "

يعني إيه اتولد في كل مرة ابص فيها في عينيك

عرفت ازاي ممكن اكون مستعدة أدفع لك عمري بجد ..

عرفت ان الحب الحاجة الوحيدة اللي ممكن تخليني ادعي ربنا ياخد من عمري ويديلك ..وعمرى قليل عليك ........

عرفت ازاي لما افرح انت اول حد يخطر في بالي ولما الدنيا تضيق في وشي انت تبقى البراح

فهمت ازاي الحب بيخلي العشاق مجانين وأطفال

وكمان بيخليهم زي الملايكة .. قلبهم ابيض وجواهم غفران وتسامح للكون كله

عرفت طعم ومعنى الدنيا والضحكة والفرحة والشوق والوحشة والوجع .. عرفت معنى الخوف والأمان

والحب اللي بجد...

كل دا حصل لي لما لقيتك .. لأني عمري ما حبيت بجد إلا لما لاقيــــتك

ربنا ما يحرمني منك.