انت واحد بتستعبط
كذاب ومعندكش دم
مبتحسش
أهم حاجة عندك هي نفسك وبس
قلبك ايه اللي بيبكي
وعينيك ايه اللي بتضحك
انت صدقت نفسك وللا ايه
كفاية خداع
كفاية أنانية
كفاية غش
كفاية تستعبطني أكتر من كدة
الحمد لله ان ربنا بيكشفك
عامل نفسك راجل أوي؟
أنت فين مني يا راجل؟
تعرف عني ايه؟
صنتني وخفت عليا؟
احتوتني وقت ماكنت محتاجالك؟
وللا كنت انت أكبر عبئ عليا ومنكد عليا حياتي ومش عاجبك العجب وواقفلي على الواحدة؟
حاولت أرضيك على أد ما أقدر لكن مفيش فايدة
على طول متضايق وقرفان وتتقمص من أقل حاجة
وأقعد أصالح فيك ومتردش عليا وتبيع وتشتري فيا
أنا مش متأكدة انك فاهم الكلام اللي أنا بقوله دلوقتي عشان انت شخص معندكش دم
لكن اللي أنا متأكدة منه اني مش عايزاك في حياتي واني استاهل بني آدم أحسن منك
بني آدم بجد مش وحش
بني آدم عنده قلب وعنده رحمة
ويعرف يعني ايه حب
ويعني ايه يحافظ على البني آدمة اللي بتحبه