اسمع كلامك اصدقك أشوف أمورك استعجب

مين اللي خلانا كدة
مين اللي وصلنا للدرجة دي
مين اللي افترى وجرح وظلم

حتى مقلتليش كمة وداع
بتعيط على ايه
عليا ولللا على جرحك فيا
يمكن يكون ضميرك بيأنبك
أنا ياما برده لفيت الشوارع وياما مكنتش عارفة أنا رايحة فين وللا جاية منين
طريقتك كانت مهينة أوي ..ووجعتني أوي ..
اللي يقلك في حد عندك مات قولهم ايوه
قلهم موت أكتر قلب حبني وأخلص ليا وضحى عشاني
قلهم موت الانسانة الوحيدة اللي حبيتها
قلهم موت الانسانة اللي حبيتني أكتر من نفسها وأكتر من حياتها وباعت كل حاجة واشترتني
قلهم موتها
وبعتها من غير تمن

ليك عين تقول خطيبتي
فعلا هي خطيبتك وأنا أبقى ايه.. ولا حاجة
وفرحان أوي ورايح تجيب تورتة وبتدلعها وتقول بطة
مين هي اللي كنت بتقولها بطة وتقولها انتي شبه البطة؟
دلوقتي بقت واحدة تانية بمنتهى السهولة
وياترى هتقولها ايه تاني كنت بتقولهولي
وهتعمل ايه معاها كنت بتعمله معايا
هتغمض عنيك وتتخيل انها أنا؟
ريحتها هتبقى هي ريحتي؟
كلامها هيبقى هو كلامي؟
ضحكتا هتبقى هي ضحكتي؟

ولعلمك أنا محسبتهاش ولاحاجة أنا حسيت انكم عزمينهم.. وحلمت بيك وبيها قبل ماتنزل خبر الخطوبة الزفت بتاعك

انت حتى مكلفتش نفسك تعتذرلي .. تقولي أي حاجة.. لعبت بيا.. وكل ما أكلمك تقولي جمبي حد أو كلميني تاني.. وأكلمك متردش.. وتروح لحمد وتطنشني.. أسلوب قذر.. ومهين.. أنا حسيت من الأول وأقول معقول بيعمل كدة معايا قاصد.. لأ مش معقول محمد يعمل فيا كدة.. لا يمكن.. لكن للأسف..

ورايح تجيبلها دبلة دهب وخاتم.. وأنا تجيبلي خاتم فضة.. لييييييييييييييييييييييه
أنا اللي حبيت وأنا اللي ضحيت وأنا اللي كنت بفضلك على نفسي وأنا اللي اديتلك كل حاجة
لييييييييييييييييييييييييييييييه وازاااااي
وتقوللي هي مش طرف
هي طرف غصب عنها
ملهاش ذنب ايوة لكن ذنبك انت

عمال تتفرج على الصور وتشوف الفيديوهات .. وتيجي عن المكتب وعند البيت.. ما انت كان معاك الأصل وفرطت فيه.. رميته في أقرب صفيحة زبالة.. من غير حتى كلمة..

انت عندك صور وأنا معنديش... عندك فيديوهات وأنا معنديش... عندي بس جرح وانت السبب فيه

وياترى جبت لنفسك دبلة جديدة وللا لابس لسه دبلتي؟