أنا عارف أن ده هيحصل

من غير حلفان .............أنا عارف من أول يوم انا عملت فيه البلوج ده.
 ان هيجي يوم  أكتب وأرد على نفسي .
 والدليل "السلوجن " ألي أنا كتبته وانا بعمل البلوج.
 حتي لو قريتي ألمكتوب من فترة هتلاقي معظمه انا ألي كاتبه ..حتى لما كنا مع بعض.
المهم .. الحمد له أنا كويس .بحاول اتأقلم على حياتي بشكلها ده.
بحاول أشغل نفسي كتير ..ليل ونهار...عدد ساعات النوم بات قليله جدا.
لكن معظم ساعات النوم بحلم بيكي وباللولاد وطول مانا صاحي بفكر في الاحلام دي.

في مرة أنا كنت كاتب في البلوج مشاركة كانت بعنوان :

بعد طول انتظار نقدم لكم مفاجاة الموسم " الرد"

 وتاريخ:17/8/2010
 وهو ده بالظبط ألي أنا عايشه دلوقتي.
مش مستني منك رد ..أنا بفضفض مع نفسي .
 وأنا صغير كنت بعمل كدا ...لما أكون متضايق من حاجة ..كنت أكتبها وأحطها في زجاجة وأرميها في البحر ..دلوقتي ألي اتغير البحر بيقى بلوج..الواحد يراجع زكرياته ومترحوش منه.. جميل برده مش وحش.
 على فكره البلوج ده طلع فكرة جامده جدا.........

momo