رغم الاتفاق
بحبك ...
فعلا بحبك ... والحب ده مخليني سعيدة ... لما توحشني أوي ... بسمع أغنيتين ... بحبك أكتر لعمرو دياب ... ليها معانا ذكريات حلوة ... وأنا دنيته لجنات ... عشان بحس انها بتعبر عننا بالظبط ... وكل اللحظات اللي مرت بينا بتمر بيا تاني ... بغمض عنيا وبشوفها كلها ... كأني عايشة معاك في كل لحظة ... وبحس بيك في كل ثانية
أحساسي انك بتاعي وأنا بتاعتك ... انك راجلي ... انك مسئول عني ... كل حاجة أنا بعملها أو بفكر فيها بعملها وانت في بالي ... بعملها عشانك ... أو مبعملهاش عشانك برده ... حتى وأنا قاعدة لوحدي ... بلبس حاجة معينة وأقول انت هتحبها ... أو اسرح شعري عشان انت تشوفه كويس ... بطبخ عشان تاكل من ايدي ... بحط برفيوم عشان يعجبك ... كل ده حتى لو انت مشفتنيش ... كل ده بعمله عشانك مع نفسي
بحبك ؟ أيوه بحبك
وبحمد ربنا على الشعور ده
رغم العذاب
رغم النار اللي بنحس بيها
لكن دي فعلا نعمة من عند ربنا
اني احبك وانك تحبني
وللدرجة دي
ده شعور ممكن ناس تعيش كل حياتها وتموت من غير ما تحس بيه
الحمد لله على حبنا لبعض
ويارب ربنا يعينا ومنغضبوش بحبنا
مش معنى كلامي ان أنا بلغي اتفاقنا ... احنا لسه عند اتفاقنا ... لكن حبنا لبعض ده موضوع تاني ... احنا ان شاء الله هنتصرف صح ... عشان ربنا يرضي علينا ويكرمنا ...
ومحدش عارف النصيب فين
ربنا يوفقنا لما يحب ويرضى
اللهم اصلح لنا شأننا كله ولاتكلنا إلى أنفسنا طرفة عين
اللهم تب علينا توبة نصوحة ترضى عنها
وأغفر لنا وأرحمنا وأعفو عنا وتقبلنا
وصلى الله على سيدنا محمد وعلى آله وصحبه وسلم
منو
16 أبريل 2010
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية