ملخص اليوم " نوم وفطار وصلاه و شقة الحناوي" ووحشاني

شكرا  يا حبيبتي على الكلام ده .. انا عمري ما حد قالي الكلام ده قبل كدا.

 موش عارف الرد المفروض يكون أيه .

 غير ربنا يخليكي ليا.

 ان رحت مع الحناوي شقته صمم يوريهاني بعد مخلص دهان وجاب الليفنج.

 رحت معاه ذوقه حلو قوي وأفكاره جميله ..كان نفسي اول ما دخلت الشقة تكوني معايا

 كنت عايز اوريكي تناسق الالوان .. وكمان جاب لفنج جلد  ..زي الي نفسك فيه.

 هو متوسط 8000 جنيه .

 بس شيك قوي . ومريح ...بس عيبه انه فاتح.... وده طبعا ليفنج يعني هرس.

 المهم مش حاطط في الليفنج ولااوضه الاطفال نجف حاطط" كشاف نيون 4 لمبه ...جميل ومنور الاوض " حلو قوي.

متزعليش انا حاولت اكلمك بس انت متردتيش او الشبكة هي الي بتفصل...

 المهم انا نمت كتير جدا انهارده وامبارح ...والحمد لله ده خلاني اقدر اصلي وبعدبن اقابل الحناوي ...انا بس رحت معاه الشقة مرحتش في حته تانيه.

يا ترى رمضان الي جاي هنبقي مع بعض في بيت واحد..

يارب الخير من عندك.

سلامتك ألف سلامة

سلامتك يا مومو ألف سلامة ويارب تخف وتبقى أحسن من الأول

المكان من غيرك مالوش معنى حاسة اني غريبة فيه وماليش حد

انت بتملى دنيتي عليا وبتخليني أحس اني احسن وأسعد واحدة في العالم

يارب تخف وربنا يديلك الصحة وترجعلي بسرعة عشان متوحشنيش كدة


منو

..........

الحمد لله

الحمد لله انك فهمتي انا ليه مقولتش من غير زعل...
 انت عارفة اد ايه انا بحبك .
 بس ان شاء الله من هنا ورايح هنمشي صح.
 وربنا معانا ... يصبرنا ويعنا على الي جاي.
 مومو

مفيش أحلى من كدة رد

بحبك

وعارفة انك بتحبني ومش عايز تقول عشان العهد اللي خدته على نفسك

وأنا هحترم ده

ومش هطلب اسمعها منك تاني إلا لما انت تقولهالي لوحدك

اللي انت بتفكرني بيه أنا منسيتوش ولايمكن انساه ... وفاكراه وفاكرة كل حاجة بالتفصيل ... وبنفس الاحساس ... كأن لسه بتحصل دلوقتي

كل لما ألاقي نفسي مخنوقة أفتكر كل حاجة ... وحتى كمان بفتكر تفكيري فيك واحساسي بيك من الأول وقبل أي حاجة ما تحصل

بدعي ربنا يوفقنا للي فيه الخير ... ويغفر لنا ويتوب علينا ويرحمنا ويهدينا ويعينا

يااااااااااااااااااارب

ادعيلي وأنا كمان هدعيلك

ربنا ييسترها معانا وعلينا دنيا وآخرة

ش

بعد طول انتظار نقدم لكم مفاجاة الموسم " الرد"

 هفكرك بحاجات كتير حصلت لنا مع بعض وكنا دايما نقول ان هيجي يوم تبقى ذكريات ..وتقريبا جه اليوم وهي حاجات مبتغبش عني في الفترة الي فاتت.
 ومش عارف ليه مبتغبش عني هل لاني ده معاناه انه جه وقت النهايه ولا هو لمجرد الظروف الصعبة جدا الي بتمر علينا الفترة دي.
 فاكرة سيلنترو ....سيتي ستارز ....فيلم افيتار.........الهدوم ....محل الفريده وانت بتقيسي الهدوم....الرحاب......... مكتبة متولي..........لما لبستي النقاب.........لما قعدنا على البحر............لما تهنا في السويس......................!!!!!!!!!!!!! ولما ولما ولما
.........انت فاكرة اكتر مني.

والفترة الي فاتت كذا مرة لما الامور تشد بينا دايما كنت تقولي انت السبب في الي انا فيه .انت الي دخلت حياتي وغيرتها.
 انا مش هلومك انت عندك حق ...انا الي زنيت على ودانك وعرفتك ان الحياة فيها حاجات حلوة ممكن تعيشيها ولازم تعيشها واني انا بحبك م من اول لحظه شوفتك فيها ..ياريتك سيبتيني امشي من الاول ..لكن  محدش عارف الخير فين الشيطان لعب لعبته وسبنا للحب والظروف تحيرنا وتبهدلنا ..

عايزك دايما لما تفكري فيا تفكري في محمد الي بيحب يخدك في حضنه ويحط خدك على خده
بيحس ان الدنيا كلها بين ايديه.
لما كان بيجي جري وميقدرش يمشي علشان يقعد معاكي.
لما عرفتي قد ايه هو بحبك قبل ما هو يقولك بحبك.
 هو ده محمد الي لازم دايما تحسني الظن بيه....لما اقرب الناس اتخلوا عنك وهو مقدرش حتى مشوفكيش.وكان طول مانت مش موجوده يقعد يلف في المكتب ذي الي ضايع منه حاجة..

 هو ده محمد الي لازم تفكري فيه اوعي تنسي انك بتاعتي وهتفضلي في عنيه حتي لو اتأكد مليون في الميه انك مش ليه.

واللهي؟

فعلا هو ده اللي أنا موقعاه

وفعلا ده الكلام اللي كان نفسي اسمعه من زمان

شكرا

ردا على ما جاء في خطابكم

1-كلام الناس لا بيقدم ولا ياخر ....كلام الناس ملامه وحيره مش أكتر.

2-مش كل الكلام من فضة ساعات الكلام يبقى من دهب.

3-وخذ الحكمة من افواه ال................... واللا بلاش.

4- ويا بخت من بكاني وبكى عليا ولا ضحكني وضحك الناس عليا.

5-ويا ميت ندامة على الي حب ولاطالشي.

6-وحبه فوق وحبه تحت...وياناس يلي فوق متبوصه على الي تحت....الله عليك يا عدويه.

7-وعلى العموم .استفتي قلبك ولو أفتوك.

والله المستعان.

نفس اللي انت قلتهولي الصبح قلتهولي تاني دلوقي ...

شكرا

أنا ملحقتش انسى

أنا في وضع غريب وصعب
عمري ماجربته قبل كدة لا مع نفسي ولا مع أي حد أعرفه

معنديش فيه أي خبرة ولا أعرف ايه المفروض اعمله

كل اللي أنا محتاجاه دلوقتي هو الدعم support  - محتاجة اني ابقى قوية ... محتاجة أطمن ومكونش خايفة ولاقلقانة

عايزة حد يطبطب عليا ويقوللي معلش متزعليش ... كل حاجة ان شاء الله هتبقى كويسة ... وانتي هكوني أحسن ...
حد يمسح دموعي ... ويطبطب عليا تاني ... ويفضل يطبطب عليا ويطمني لحد ما أبقى كويسة
حد يداديني ويهديني ...
يعاملني زي العيال الصغيرة ... زي ما بنت صغيرة مامتها سابتها لوحدها وجاية كمان شوية والبنت بتعيط عشان مامتها ... ييجي حد ابن حلال ويطبطب على البنت دي ويجيبلها حاجة حلوة ويداديها لحد ما تسكت وتبطل عياط
أنا نفسي ابطل عياط
أنا حاسة ان قلبي هو اللي بيبكي وروحي هي اللي بتنزف
التوبة والصح ده أنا معنديش اي اعتراض عليه انا قلتهولك قبل رمضان لأن هو ده الصح وهو ده اللي بيريح
لكن انا زي ما قللك ...
أنا حاسة بالضياع
بالخوف
الوحدة
الترقب

ربنا يسترها معانا

أنا محتاجاك تطمني
محاجاك تقف جانبي
محتاجاك تاخد بالك مني وتحتويني
محتاجاك تحطني في عنيك وجوه قلبك

عشان انت اللي ليا وانا مليش حد غيرك

أنا تعبااااااااااااااانة ونفسي ارتاح

ادعيلي

4 رمضان

ربنا يكرم بالخير ويصبرنا ونفهم الوضع صح ومنزعلش.
الوقت ان شاء الله مفتناش وهنلحق.
 ألا بذكر الله تطمن القلوب.

قال تعالى

وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ

صدق الله العظيم