حاولت أكلمك كتير
لكن انت رافض حتى تتكلم
رافض حتى تسمع
كل حاجة بتهون عليك
ومبتعملش حساب لأي حاجة
تركيزك الوحيد هو نفسك ، كرامتك ، انك متضايق وزعلان
أنا ياما عديتلك وياما فوتلك لكن انت مش بتتعامل بالمثل
أهم شخص هو انت
حتى حبك ليا كان سببه برضه حبك لنفسك
أنا حبيتك من كل قلبي ... حبيتك بصدق ... وقضيت معاك أجمل أيامي ... وحسيت بمشاعر عمري ماحسيتها قبل كدة
وكل ده مالهوش تقدير عندك
أنا حاسة ان كل ده كلام سخيف جدا
عشان انت محستنيش ولا حبتنيش
لو كنت حسيتني بجد أو حبيتني بجد كان هيبقى تصرفك مختلف ... كنت هتفهمني ... وهتحس انا ليه بتصرف كدة ... لكن انت بتفكر بسطحية ومش قادر تستوعب ... بتتصرف معايا بأسلوب القبلية الجاهلية ... كل اللي انت شايفه هو كرامتك وأد ايه انت عملت عشاني
لكن أنا برده عملتلك كتير بس مش من طبعي ان انا اتكلم
وعلى العموم شكراً ... بجد شكراً
على كل التعب اللي تعبتهولك ...
شكراً على كل حاجة انت عملتهالي ...
شكرا على كل تضحية ضحيتها عشاني ...
شكرا على كل لحظة سهرتها بسببي ...
شكرا
شكرا