مومو أتعلم منك

مومو .. يعني الحب " الحنية " التضحية " ازاي انه يتعب علشان حبيبه "
 لكن للأسف مفيش مقابل غير "أنا"
أنا عايز أيه ..أيه ألي يريحني ...أيه ألي ميخلينيش أتغير .. أيه ألي ميخلينيش أضحي ..أيه ألي ميجيش على حسابي.
لازم ميعملش حاجة هو مش عايز يعملها ..لازم يكون موافق من جواه ..يجيي على نفسه ليه وياذيها ويتحمل انه يعمل حاجة تضيقه شويه بيسطه..لأ طبعا أنا أيه ألي يجبرني على كدا......
أهم حاجة" أنا " عايز أيه
حتى لو كانت حاجة في قمة الهايفة.. وده معاناه هو واحد "أنا" ..ميهمنيش أي حد حتى لو كان بيضحي وميت علشان اكون انا مرتاح ..ميفرقش معايا المهم" أنا" لما أجي اعمل حاجة أكون" أنا" عايز أعملها أو بحبها ..او نفسي فيها .. مش لازم حد يكون طلبها مني أو قلي عليها ..المهم "أنا" عايز ولا لأ ..
رغبتي" انا" ورحتي" انا"
مومو أتعلم منك أنه يفكر في نفسه بس ..أزاي يفكر وينفذ ألي هو عايزه بس ..ألي يريحه بس..ميجيش على حساب نفسه "نهائي"
.
أصلا مفيش حد يستاهل كل ده...
ألي ميجيش على حساب نفسه في حاجة في قمة الهايفة ..يبقى عمره ميجي على نفسه في حاجة كبيرة ومهمة.
لازم تعرف أنك يا منو ألي علمت مومو أزاى يبقى كدا .....
,,,,,,,,,,,,,,,
"مومو" قاسي
"مومو"غدار
"مومو"  قلبه جامد
"مومو"مش يعرف يعني ايه حب
ولا يعرف ازاي يتعامل
ولا يعرف يقدر اللي قدامه
,,,,,,,,,,,,,,,,,,,,,,,,,,,,,,,
موموبيوجه شكره لمنو
بيقولو شكرا على الدرس ..وبوعدك انه هينفذه بحذفيره.

"مومو" مش بيحس بيا ولا يعرفني أصلا

"مومو" قاسي
"مومو"غدار
"مومو"  قلبه جامد
"مومو"مش يعرف يعني ايه حب
ولا يعرف ازاي يتعامل
ولا يعرف يقدر اللي قدامه

الحلم ده كان جنة جميلة
لكن الحقيقة دنيا سودة فيها الناس كلهم شبه بعض
كلهم قسوة وغدر وقلبهم أجمد من الحجر
من السهل يبيعوا
من السهل يتغيروا
من السهل يعادوا

ماهو في الدنيا السودة دي مفيش أي شئ ثابت غير حاجة واحدة بس
ان محدش ليه أمان
ان الحلم مهما كان جميل لازم الواحد يفوق على حقيقة الدنيا السودة
ان الغدر هو عنوان هذا الزمان

عشان الواحد ميتعذبش الحل بسيط جدا، انه يخنق قلبه وأحلامه لحد متموت ... ساعات الموت بيبقى راحة ...مفيش أحلام ميتة بتعذب صاحبها ...

وأن الواحد يعيش من غير قلب ... أحسن من انه يعيش وقلبه حجر


...  بلا قلب ... بلا أحلام

مومو: بحس بيكي وأنت عارفة كدا كويس

أنت أكتر واحده عارفة أني بحس بيكي .. وعارفة أني أنا عايشك ...وانك  عندك 4 دراع و4 رجلين وقلبين وموخين .
 عارف اني بفكر ليكي وعشانك .. ومعنديش أي استعداد أني أضيعك من أيدي .
الحب الي بحبهولك مش ممكن أعوضه مع حد تاني ...
مش هعرف أحب تاني ...
لازم نعيش مع بعض نكمل حياتنا سوا ... علشانك وعلشان الأولاد وعلشاني .
علشان أناوأنت مصدقنا نلاقى بعض ..حرام نضيع الحب ده من أيدينا ونضحي بيه.
لازم  تفكري صح .. وتقرري صح لازم تبصي بنظرة عامة مش من وجهة نظر صغيره.

أنت كدا بصة على نقطة واحدة بس "الاحترام" وكمان بصه عليها بمنظور غلط .
لازم تغيري مفهومك عن القرار وتوسعي دايرة تفكيرك .
هتلاقي اننا مع بعض هو الصح
 وفي الاخر هستنى قرارك يوم 24/6/2010

التوقيع
...............

لو كنت صحيح بتحس بيا

كنت عرفت اننا فعلا تعبانة جدا وبجد مش قادرة

مكنتش تقوللي ان أنا شخص مودي

فعلا زعلت انك محستنيش ومعرفتش أد ايه انت واحشني


منو

بحبااااااااااااااااااااااااااااااااااك

بحبك

 وحشتيني جدا

مش هقدر أستغنى عنك

لازم نعيش مع بعض 

 نتمتع بالحياة مع بعض .. من غير منغضب ربنا 

ولا على حساب بعض ...وطبعا ولا على حساب حد تاني

مش عارف أنام .. ولا عارف أتفرج على التليفزيون ولا على فيلم أمير البحار 

قلت أفضفض معاكي.

 التوقيع

................................

أسف

بحبك ومن كتر الشوق واللهفة .. كنت حاسس أني الفرحة دي مش هتكمل
أدي ألي كنت عامل حسابه.
وأديكي زعلتي مني
 ... من أمبارح الصبح وأنا حاسس أن ألي جاى مرعب
الحمد لله .. ربنا ستر
 بس أنا شايف أن ألي حصل ... بيقول أني بخاف عليكي جدا ... ومقدرش أكون السبب في أذيتك.
مش هلومك على .. قرارك .. بس عايز أتاكد من مشاعرك
إذا كنت لسه بتحبيني ولا   الحب ده إنتهي...مع انك إمبارح بليل قولتلي أنك بتحبيني قوي
ياريت لو لقيتي الزرار تدليني عليه

أسف
...........

أية ألي بيحصل ده ...أيه ألي أنا شيفة ده

أيه الحلاوة دي ...أية الطعامة دي.
أنا مش مصدق نفسي.... الحمد لله ربنا كريم
 بنسافر سوا من غير سواق ... واتفسحنا  سوا في ؟؟؟؟ ..
 ربنا كريم و عالم بينا .. عارف أد أيه إحنا بنحب بعض ..وأد أيه أحنا متعذبين في البعد . واد أيه أحنا عايزين رضاه .
 بتمنى ربنا يكرمنا ويهونها علينا. ويصبرنا ويرحمنا ويغفر لنا.

العذاب بدا حجمه يكبر ... مش عارف هنستحمل لحد أمته.

يارب نجينا على خير .. أنا خايف من حاجتين.
 1-  ممكن مع الحب والشوق واللهفة دي نغلط.
2- لحظة الفراق هتبقى صعبة قوي.
 بس انا علشان خاطرك ممكن استحمل أي حاجة.
يارب الصبر من عندك.
لازم يكون في حل قطعي ...يا نكمل مع بعض  طبعا مع الاحتفاظ بأهم  حاجة  ((()))... يا ننهي الموضوع واحنا متأكدين ان الحب ده عمره مهينتهي.

العذاب القديم قبل المصراحة بالحب بدا يرجع تاني.
اتمني ربنا سبحانة وتعالي يقبل توبتنا ويهدينا .

التوقيع
..........

مومو:السبت اول يوم من الإتفاق الجديد

 دعاء الهم والحزن

" اللهم إني عبدك ابن عبدك ابن أمتك ناصيتي بيدك ، ماضِ في حكمك ، عدل في قضاؤك ، أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي "

" اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال "

..............

أنا عارف أن ألي إحنا فيه هو أصعب حاجة على اي بني آدم طبيعي ..

أنه يضحي بأحلى حاجة في حياتة ..علشان ربنا ...وعلشان ناس ملهاش ذنب.

في حاجة مهمة انا ملقتش الزرار ..لكن أنا بدات أتصرف كدا لسببين .

1- أني في التليفونيبن كنت في البيت.

2- أنا فعلا عايز أساعدك انك تنفذي الإتفاق ..تـاخدي فرصة كاملة بدون أي مؤثرات مني ..

علشان خاطري وحيات حبنا .. أبدأي في تنفيذ الإتفاق إلي بنا..خلي التضحية بتعتنا ليها معني.

مش معقول نضحي ومنلقيش نتيجة..وخالي بالك قوي من الأولاد...علشان انا بحبهم قوي ..وهما السبب في أني ضحيت بيكي..

خصصلهم وقت كل يوم لازم تعملي كدا

--وبالنسبة للطرف التاني خلي بالك طويل واستحملي ..وخلي حياتك سعيده ..بنسفك متستنيش رد على ألي بتعمليه.

أهم حاجة في التضحية دي ..أني أشوفك سعيدة ..فهمة 

سلام

الكاتب

................

لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ

قال الله تعالى - "وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

أملي في ربنا كبير ان ربنا يسامحنا ويغفر لنا ويرضى علينا ويفرج علينا الكرب اللي احنا فيه

امبارح يوم غريب فعلا ... في رأي أي حد ان كل ده غلط - حرام - زبالة ... لكن كل الناس دي معندهاش لا قلب منو ولا قلب مومو ولا مشاعر أي حد فيهم ... أنا امبارح مكنتش عايزة أكتر من كدة ... اللي احنا كنا فيه كان أكتر من أحلامي بكتير... أنا في حضن مومو وهو في حضني ... عايزين ايه أكتر من كدة ... هو فيه أصلا أكتر من كدة ؟؟؟ دي أقصى أحلامي ومعنديش حلم أكتر من كدة غير اننا نفضل حاضنين بعض على طول...


أنا دلوقتي بشم ريحة مومو كتير وأنا قاعدة لوحدي ... وبحس بنفس الاحساس وهو حاضني ... احساس جميل من الراحة والطمأنينة واننا بتاعته وهو بتاعي ... اننا شخص واحد ... بني آدم واحد ... كائن واحد


عشان احنا عندنا ضمير وبنخاف من ربنا قررنا اننا نضحي بكل ده عشان اتنين ملهمش ذنب في حاجة ... لو عرفوا احنا بنضحي بايه عشان خاطرهم هل يا ترى هيقدروا ده ؟؟؟ أنا ومومو كل واحد فينا بيضحي بحياته وبقلبه عشان نريح ضميرنا ونحس ان  ربنا راضي عننا واننا مظلمناش حد


مش معنى التضحية دي اننا هنبطل نحب بعض ، لأ - معناها ان كل واحد هيحط حبه ومشاعره واحاسيسه في قلبه ويقفل عليها ... الصعوبة الحقيقية اننا بعد مابقينا واحد ازاي نرجع تاني اتنين؟


مومو ... حبيبي ... أوعى تزعلني أو تجرحني لأي سبب من الأسباب ... أنا بحبك وحبك اللي في قلبي ده أنا مقدرش اعمله replacememt  زي ما انت طلبت مني ... عشان الموضوع ده أكبر من احتمالي وقدرتي ... اللي اقدر أعمله هو اني أحاول ... عشان الأولاد بس ... وحبي ليك ده هو اللي هيخليني أقدر استحمل وأقاوم  ... أنا حطيت الحب ده جوة قلبي في خزنة مصفحة مفتاحها معاك انت بس ... حافظ عليه وأوعى تضيعه


بحبك ... أملي في ربنا كبير ... ادعيلي


منو

الجمعة : رحيل مومو ومنو

بعد فترة لا تتجاوز الأسبوع أو7 أيام بالتحديد
من الجمعة للجمعة
رحل مومو و منو وعاد مرة أخرى الإثنين الأساسين في المسرحية
بعد الفترة الجميلة ألي قضاها مومو ومنو بين فرح وسعاده ..بس لللأمانه هما كانو عارفين أن ده حلم هينتهي في أي وقت
ويصحوا على حقيقة الحياة.
فجاة صحي مومو ومنو من النوم وانتهت كل الأحلام الجملية .. عادت الحياة المعدومة الطعم والرخامة .. حياة بلا هدف
معلش الدنيا من الدنو.. مفهاش أي شيئ له طعم جميل إلا لما يكون في حب .. حب الله ..حب الدين ..حب رسول الله
أو ممكن يكون حب حبيب ...ممكن يكون الحب ده هو العامل الحفاز لحاجات كويسة الإنسان ممكن يعملها علشان ألي بيحبه.

بعد رحيل مومو ومنو .. المسرحية بقى ملهاش طعم .. بس عادي مهي الحياة دايما من غير حب ملهاش طعم .
لكن يمكن في حاجات تانية تتبنى على الرحيل ده تكون مفيده أكثر .. زي مثلا "أطفال " يتربو في وسط أهلهم ويخلوا بالهم منهم"


نسيت أقول على سبب رحيل مومو ومنو .. أنهم مش عايزين يعملوا حاجة غلط وكمان مش عايزين يضحوا بناس ملهمش ذنب في حاجة.
أنا متهيألي انهم كدا عملوا حاجة كويسية .
بس ده على حسابهم الشخصي.. وديه في العرف تعتبر تضحية ..
يالا ندعيلهم ربنا يديلهم على اد نيتهمويرزقهم الصبر

الكاتب
كان مومو
ودلوقتي  ............

مومو : الجمعة 19-03-2010 بعد الصلاة

مش عارف أقولك أيه ..أنت جوايا بحس بيكي قبل مبحس بنفسي ..لو فرحانة أو زعلانه .... عندي أخبارك قبل مأنت تعرفيها.
 وبالهنا والشفا ال amercain omlete.
مش عارف ..أنا في كل دقيقة عايزك وبتمناكي في حضني.
 نفسى أحضنك 24 ساعة في الساعة.
بحس أن ده هو الوضع الطبيعي.
أنت بتحبيني وبتحاولي متضايقنيش وبتعمللي حاجات كتيرة أنا من كترها مش عارف اكتبها...نفسي ربنا يعني وأسعدك لأنك تستحقي تكوني سعيده.
بس على العموم ..أنا من ساعة مبسيبك ..بستنى لحظه منتقابل.
أنا دلوقتي هنزل ألعب أسكواش وإنشاء الله أول ما أرجع هلبس وأنزلك. ...هو الموضوع كله ساعة
تعرفي نفسي تجي تلعبي معايا.
نفسي منفترقش للحظه واحده.
لما حكتيلي في التليفون على الشعور الي بيجيلك في البيت...أنا اتضايقت أني عارف الشعور ده كويس ..أزاى الواحد يصحى من الحلم الجميل على كابوس الحقيقة
معلش ربنا معانا ويصبرنا..
إنشاء الله على معدنا

سلام
حبيبك
مومو

مومو ... حبيبي

أول لما لقيتك كاتب فرحت أوي وانت على طول مفرحني ربنا يخليك ليا على طول
اتأخرت شوية في الرد عشان كنت بعمل American Omelet  وده ياسيدي عبارة عن بيض وطماطم وفلفل اخضر ةلنشون وجبنة شيدر
وانا بعمله متخيلاك قاعد مستنيي في الـ Living room  واني بأكلهولك بايدي

انا امبارح كنت تعبانة جدا وصليت العشا بأعجوبة ونمت على طووووووووووول

لكن صحيت بدري وسمعت الحج عمرو دياب عنده كام اغنية متفصلين علينا

بقولك ايه

تعالى افطر معايا

بحبك

منو

مومو : الجمعة 19-03-2010

أنا بقى مستني الساعة 6 تيجي من إمبارح الخميس .. من اللحظة ألي سيبتك فيها بدأتي توحشيني.
مش عارف أقولك أيه .. أنا حاسس أن حتى الوظائف الحيوية بتاعة جسمي إتظبطط من ساعة مبدأنا نحب بعض بجد ..يعني من أربع أيام.
تعرفي أنا دايما بقولك أني بحس بالجوع لما أحس بالصداع..أنا من يومين بدأت أعيش طبيعي ..وبحس أني جعان وعايز أكل ونفسي مفتوحة .
ده معناه أني حالتي النفسية معاكي بقت تمام.
بحبك قوي وهفضل أحبك.
ولعملك أنا إمبارح فضلت فاتح الماسنجر لحد الساعة 3الفجر..علشان مستنيكي تدخلي لكن واضح أنك كنت تعبانه قوي.
مش عارف أكتب حاجة غير انك ..وحشاااااااااااااااااااااااااااني جدا... ونفسي أبقى معاكي دايما ..أصحى الصبح ألايكي جانبي ونفطر ونتعشى ونتسحر سوا.ونستحمي  برده سوا يعني ولا موأخده.
*سلامة ظهرك..لما قولتي أنه لسه وجعك ..أنا حسيت بألم في ظهري ..,انا نفسي أعملهولك بجد ..وأخدك في حضني ونقعد نتكلم ونحكي وأنام على رجلك وتهرشي في شعري ......ونروح دريم بارك ...أنا شكلى نمت وبدأت أحلم تاني زي حلم سيتي تار ...
ربنا يعمل ألي في الخير...
وعلى فكره موضوع انك حاسة أنك بتحبيني أكتر مأنا بحبك "أي كلام" أنا بحبك أكتر بكتير والدليل ..أسمعي وائل جسار "حبيبي هعيش علشانك".
أصل أنا بحبك قوي..............
مومو

امبارح رحنا شفنا شقتنا ... أنا كنت مبسوطة أوي ومرتاحة ... لأول مرة وفي مناسبة خاصة زي دي محسش ان أنا مكسورة أو ناقصني حاجة ... بالعكس أنا كنت كمان مبسوطة ومبسوطة أوي كمان ... حاسة ان ده الطبيعي وأن الدنيا كلها معايا عشان انت معايا ... بيك أنا مش محتاجة لأي حد تاني ... ولا ناقصني ولا حاجة ... أنا بحمد ربنا عليك ... انه لاقانا ببعض ... ناس كتير بتقضي طول حياتها من غير ماتلاقي نصها التاني وبدعي ربنا انه يخليك ليا ويخليني ليك

امبارح زعلنا من بعض مرتين ... لكن كان زعلنا جميل ... أجمل ما فيه ان كل واحد فينا كان خايف على التاني ومش عايز يزعله وعايز يرضيه ... احنا حتى واحنا زعلانين من بعض بنطبطب على بعض مفيش واحد فينا بيهون على التاني ... هو في حد يهون على نفسه؟

وأحلى حاجة اننا بعد موضوع الزعل ده ماخلص رجعنا ولا كأن في حاجة حصلت ولاكان في زعل. هو ده الحب ... حبي ليك وحبك ليا

نيجي بقى لموضوع الضهر ... أنا كان ضهري هيموتني (ومازال)  قلتلي تدلكهولي ... أنا شايفة ان ده هو الطبيعي ما هو أنا بتاعتك وأنت بتاعي ... يعني مفيش أي مشكلة ... يعني الموضوع عادي جدا ... لكن على فكرة الاحساس ده جوانا احنا بس وهو ده اللي المفروض يحصل لكن للأسف الواقع مختلف

أنا مبسوطة اننا لسه بنحاول نرضي ربنا عشان يرضى علينا

ربنا يقوينا ويعينا

انا عمالة أعد الوقت امتى الساعة 6 هتيجي؟ امتى الساعة 6 هتيجي؟

حياتي هي الوقت اللي بقضيه معاك

بحبك

بداية الحياة الطبيعية بنا 18-03-2010

أنهارده حاسس ان إحنا أتجوزنا وعايشين الحياه فعلاً
.زعلنا من بعض مرتين واتصالحنا
 ظهرك وجعك وحاولت اعملهوك
 بدون اي احساس ان في مشكلة اني امسك ظهرك
الحمد لله ان النهاية كويسة .. اتكلمنا واتفهمنا وفي الأخر احنا مش زعلانين من بعض .
أحنا بنحاول نرضي بعض وده أهم
لأن الحياة الحقيقة مش وردية .. الحياة يعني مشاكل ..
والحب هو دايما علاج المشاكل
 دايما أحب ابقى موجود معاك يا منو في كل تفاصيل حياتك الصغيرة والكبيره
مثلا موضوع الشقة
انا بقترح عليكي اننا ندبح حاجة صغيرة لله..جدي أو معزه أو خروف صغير
ربنا يجعل فيها الخير والبركه.
مش عارف حسيت انهارده ان مراتي من زمان واحنا بنتكلم في مواضيع زي اي مواضيع عدت قبل كدا وهيعدي بعد كدا زيها وأكتر.
بس نفسي الحلم بتاع أول إمبارح ..أحلم بيه تاني.
أصل أنت وحشاني قوي.
 بحبك يا منو

نفس اليوم

ده نفس اليوم اللي انت كتبت فيه وده تاني يوم من الاتفاق
أنا مش هقولك أنا مبسوطة لكن أنا مرتاحة اننا ماشيين صح وبنعمل كل حاجة صح
جواية مشاعر مختلطة، حزن ، عذاب، راحة ، فرحة
وبيتهيألي ده اللي بيقولوا عليه شجن
الله أعلم
لكن اللي بيطمن الواحد اننا بنحاول نعمل الصح وان شاء الله ربنا يعينا عليه
فاكر فيلم Avatar  وموضوع الباوند اللي قلتلك عليه؟
احنا خلاص بينا الباوند ده ، موجود وحصل وحسينا ببعض وبقينا كل واحد ليه في التاني ومبقاش في تاني أصلا بقينا انسان واحد ، الاحساس والتفكير والحلم وحتى الكلام
بقى كفاية ان واحد يعوز حاجة عشان يلاقي التاني بيقولها أو بيعملها

بحبك

منو

http://survey.mbc.net/millionaire/

http://survey.mbc.net/millionaire/

اليوم التاني

انهارده اليوم التاني من تنفيذ الاتفاق الي بيني وبين منو...مش عارف أوصف ألي جوايا ..حاسس أني ازازه من الزجاج مليانه على الأخر ومحطوطه في الثلاجة ..وحاسس إنها مع الوقت هتنفجر ربنا يستر.
والله انا كل ألي قدامي دلوقتي " منو  منو  منو "
بس مش قادر  أقول حتى كلمة بحبك .. وحشتيني .. أمسك أيديها.
لكن .. الحمد لله الاحساس بعدم ارتكاب ذنب احساس جميل ..
 والحمد لله ربنا سبحانه وتعالي خلاني احس بكدا علشان أعرف الفرق بين أني الواحد يبقى مع ربنا  أو يبقى لوحده.
وحاسس ان فرج ربنا قريب
وإنشاء الله الي جاى أحسن
 يارب يا منو تفضل تحبيني زي ما حبك بيزيد في قلبي.

مومو

17 مارس 2010

مومو

حبيبي

انت مش محتاج تشكرني على حاجة

أنا كمان كنت فرحانة أوي وجوايا احساس جميل لحد دلوقتي

عمالة أقول لنفسي يمكن كنت بحلم يمكن كنت بيتهيألي

لكن كل ده كان حقيقي

وهي دي الحياة اللي انا عايزاها ونفسي أعيشها

لكن برده الحمد لله على كل شئ

قدرنا اننا نكون بنحب بعض ونضحي بالحب ده

أنا قلبي وجعني وأنا بكتب الجملة دي

لكن كل ده عشان ربنا

ربنا يتقبلنا ويرضى علينا ويغفر لنا

الحلم الجميل

خير اللهم ما أجعله خير ....
أن متهيالي أني حلمت بايه  ....هو انا كنت مسافر كالعاده الصبح ... وكنت بادئ اليوم في غم ووجع قلب .. طبعا كل ده كان في الحلم .
 لكن الغريب والعجيب في الموضوع ان اليوم تحول إلي يوم من اجمل ايام حياتي.
انا عارف كويس اني بحلم أعيش يوم زيه من 8 سنين..لكن في عز بداية اليوم الغم ده ...يتحول الي يوم من الف ليله وليله بالنسبة لي.
ده انا من كتر جمال   اليوم حبيت السواق... طبعا ده كان في الحلم
آل أيه بقى  ... خير اللهم ما أجعله خير...أنا كنت ماشي في الجنة ومعايا حورية  اسمها "منو".
وعشنا مع بعض اليوم على اساس انها مراتي... بس الغريب ان كلام ده كان بالنسبالي حقيقة مش حلم . لكن في الاخر طلع حلم وبحاول افتكره علشان اكتبه . المهم قضينا مع بعض يوم محصليش قبل كدا.
مش عارف احكي بالتفصيل الكلام من كتره جوايا عمال يدخل على بعض مش عارف افسر ... بس المهم أصبح يوم 16-03-2010  يوم جامد جدا في حياتي .
دانا حتي بدأت احب سنه 2010 وشهر مارس من كتر الأحلام الجميلة ألي بتحصل فيه .

هو انا اتفقت مع الحوريا الي كانت معايا ..أن احنا نستعين بالله على نفسنا ومنعملش حاجة تزعله مننا .. وإن شاء الله ربنا هيبقى معنا لاننا عايزين نرضيه.
انا بحب الأيه دي جدا" ومن يتق الله يجعل له مخرجاً ويرزقه من حيث لا يحتسب"
من ترك شيأ لله عوضه الله خير منه...حديث

منو أنا مش عارف اشكرك ازاي على اليوم ده .. بس ربنا يفرحك زي ما فرحتني.
مومو

قبل ما أنام يوم 16 مارس 2010

النهاردة كان يوم حلو أوي من كتر حلاوته كأنه حلم مكناش مصدقين ده فعلا بيحصل وللا بيتهيألنا
مع ان كان بدايته نكد من امبارح ، لكن اللي بيحب ميقدرش لايزعل اللي بيحبه ولا يزعل منه عشان الحب كفيل انه يزيل اي زعل من بينهم

زي ما قلت النهادرة كان حلم، وعشان كدة قررنا اننا نرضي ربنا ومنزعلوش مننا ونصحى من الحلم ده. فعملنا اتفاق أننا نقف عند هذا الحد ومنغضبش ربنا مننا تاني ومنعملش أي حاجة غلط

أنا مستغربة من نفسي جدا التلات تيام اللي فاتو ، عمري ماعملت كدة ولا اتصرفت كدة ، أكيد مومو بيعمل شوية فودو وبيمارس اساليبه في السحر الأسود عليا :)

انا مش عارفة انا هستحمل ازاي ولا مومو هيستحمل ازاي
لكن احنا بنعمل ده عشانك يارب ترضى علينا وتغفرلنا ، ممكن أكون بكتب الكلام ده وأنا بدمع وفعلا خايفة اني مقدرش انفذ الاتفاق ده، أو انفذه أنا ومومو لكن بألم وعذاب، لكن يارب أملنا فيك كبير، انت عارف أد ايه احنا بنحب بعض ، وأد ايه ماصدقنا نلاقي بعض وأد ايه كل واحد فينا بيتمنى التاني  لكن أحنا بنضحي بكل ده ياربي عشان ترضى عننا ومتغضبش علينا وتبارك لنا

فيارب أملنا فيك كبير انك تكرمنا وتعيننا وتوفقنا لما فيه الخير وتدلنا دايما على الخير

يارب تقبلنا وتب علينا واغفر لنا ووفقنا لما فيه الخير

وصلى الله على سيدنا محمد وعلى آله وصحبه وسلم

منو
12:10 مساء 16 مارس 2010

رد علي 14-03-2010

بحبك

هو ده اللي أنا حساه جوايا

احساس عمري ما حسيت بيه قبل كدة ولا تخيلت اني هحس بيه في يوم من الايام

بحبك

منو

14-03-2010

اليوم : الأحد
التاريخ : 14-03-2010

حبيبتي منو .......

تقريبا اليوم ده مينحسبش من عمري على رأي ام كلثوم.
انا بكتبلك دلوقتي عن اليوم ده ومش مصدقك ان اليوم ده حصل ... قولتلك بحبك وقولتيهالي.
مسكت أيدك ومسكتي أيدي.... أكلتك وأكلتيني.
 معقولة احلام في ثواني تتحقق... بغض النظر عن الغلط ألي حصل.
 لكن أنا متأكد أن ده كان حلم ...أكيد ... مهو مستحيل... أنا هتجنن .. انا طاير من الفرح .. مش عارف عايز اجري على البحر    لحد منفسي يروح  . كل ألي حصل ده انا كنت بتخيله واحلم انه بيحصل لوحدي.
 مستحيل اتخيل انه يحصل حقيقي.

أنا متشكر جداً.. على اللحظات الجميلة دي ... نفسي  أديلك على اد الحب ألي جوايا  .. لكن ماباليد حيلة العين بصيرة والأيد قصيرة.

حبيبك
مومو

أول رسالة اكتبهالك

في أول رسالة أكتبهالك

بصراحة مش عارفة أقولك ايه، كل الكلام قلتهولك أو مش عايزة اقولهولك
ساعات بتكون قيمة الكلام انه ميتقلش ، لكن في الحالة دي كلام متقلش طيب ده يبقى كلام ازاي؟؟

في الحالة دي مش هيبقى كلام ، هيبقى فكرة أو احساس ليه معنى أكبر كتير من أي كلام

انت عارفه، حاسه؟

غمض عنيك ثواني لو مش عارفه

أول احساس هيجيلك هي دي رسالتي ليك وهو ده اللي عايزة اقولهولك ومقدرش اقوله

فهمت حاجة؟

من مومو إلي منو

إيه الأخبار؟

أنا عايز أطمئن عليك ... أحب دايما أعرف أنك كويس وسعيد.

انا مبسوط أن أحنا بقى في حاجة بينا مشتركه.. يمكن والله أعلم تكون البداية لحاجات كتيرة مشتركة... ويمكن تكون أول وأخر حاجة مشتركة بينا ... مين عارف.

التوقيع

واحد بيحبك حب حقيقي

مومو